சென்னை திருமுல்லைவாயல், சத்யா நகரில் ஒரு வீட்டில் தடை செய்யப்பட்ட போதைப் பொருள் குட்கா பதுக்கி வைக்கப் பட்டுள்ளதாக போலீசாருக்கு தகவல் கிடைத்தது. திருமுல்லைவாயல் போலீஸ் இன்ஸ்பெக்டர் விஜயராகவன் தலைமையிலான போலீசார், குறிப்பிட்ட பகுதியைக் கண்காணித்து அதிரடியாக ஒரு வீட்டில் நுழைந்து சோதனை நடத்தினர். போலீசாரின் கணிப்பு வீண் போகவில்லை. நூறு கிலோ குட்கா மூட்டை அங்கே சிக்கியது. குட்காவை வீட்டில் பதுக்கி வைத்திருந்த நடராஜன் என்பவர் கைது செய்யப்பட்டார். போலீஸ் இன்ஸ்பெக்டர் விஜயராகவன் மற்றும் அவருடன் பணியாற்றும் போலீசாரை சென்னை போலீஸ் கமிஷனர் சங்கர்ஜிவால் பாராட்டியுள்ளார்.
– விகடகவி எஸ். கந்தசாமி