செங்கல்பட்டு மாவட்டம் திருப்போரூர் ஒன்றியம் புதுப்பாக்கம் ஊராட்சியில் ஆயுத பூஜை கொண்டாடப்பட்டது.
ஊராட்சிமன்றத்தலைவர் மா.ஆறுமுகம்,
தூய்மை பணியாளர்கள், ஊராட்சி அலுவலர்கள் அனைவருக்கும் பரிசு பொருட்கள் வழங்கி மகிழ்வித்தார். வழக்கமான பொரி, அவல், கடலையைப் போட்டு நிரப்பப்படும் ஆயுதபூஜை கொண்டாட்ட பைகள், மா.ஆறுமுகம் கொடுக்கும் போது எப்போதுமே மாறித்தான் இருக்கும். இந்தமுறை வாங்கிச் சென்றோர் மனம் நன்றாகவே குளிர்ந்திருந்தது.
செங்கல்பட்டு மாவட்டம் திருப்போரூர் ஒன்றியம் கேளம்பாக்கம் ஊராட்சியில் ஆயுத பூஜை நாளில் தூய்மை பணியாளர்கள் மற்றும் ஊராட்சி அலுவலர்கள் அனைவருக்கும் ஊராட்சி மன்றத்தலைவர் ராணி எல்லப்பன், நிறைவாகவே பரிசுப் பொருட்களை வழங்கி மகிழ்வித்தார்.
மக்கள் நலப் பணிகளில் சிறப்பாக பணியாற்றியமைக்கு சிறந்த ஊராட்சி என்ற விருதினை மாவட்ட ஆட்சியர் வழங்கி கெளரவித்தது கேளம்பாக்கம் ஊராட்சிக்குத்தான் என்பது குறிப்பிடத் தக்கது. நிகழ்வில் திருப்போரூர் தொகுதி தகவல் தொழில்நுட்ப அணி ஒருங்கிணைப்பாளர் எக்ஸ்பிரஸ் எல்லப்பன் மற்றும் நிர்வாகிகள் வார்டு உறுப்பினர்கள் பங்கேற்றனர்.
செங்கல்பட்டு மாவட்டம் திருப்போரூர் ஒன்றியம் பொன்மார் ஊராட்சியில் ஆயுத பூஜை நாள் கொண்டாடப்பட்டது. தூய்மை பணியாளர்கள் மற்றும் ஊராட்சி அலுவலர்கள், அதே பகுதியில் மக்களை தினமும் சுமந்து செல்லும் தடம் எண் 31P மாநகர பேருந்து ஓட்டுனர் மற்றும் நடத்துனர் என அனைவருக்கும் பரிசுப் பொருட்களை ஊராட்சி மன்ற தலைவர் ஸ்ரீநாராயணன் வழங்கினார்.
பொன்மார் ஊராட்சியில், மக்கள் நலப் பணிகளில் வேகம் காட்டும் தலைவர் ஸ்ரீநாராயணன், தீவிர ஆன்மிகவாதி
என்பதால் பழமையான கோவில்களை கண்டெடுத்து அவற்றுக்கு குடமுழுக்கு நடத்தியவர். பொன்மார் ஊராட்சியில் பணிபுரியும் பெண் தொழிலாளர்களுக்கு ஆயுதபூஜை நாளில் பரிசு பொருட்களோடு , பணமுடிப்பும் வழங்கி அந்தநாளை இனிய நாளாக்கினார்.
பிரீத்தி எஸ்.
