சென்னை எருக்கஞ்சேரி கென்னடி நகரில் வசிப்பவர் பிரபாகரன். தனியார் நிறுவன ஊழியர். நேற்று இரவு வீட்டில் தூங்கிக் கொண்டிருந்தவர் காலை எழுந்து பார்த்தபோது விலை உயர்ந்த இரண்டு செல்போன்களை காணவில்லை. வீட்டுக்கு வெளியே வந்து விசாரித்த போதுதான், பலர் வீட்டில் இதேபோல் பொருட்கள் திருடு போயுள்ளது தெரியவந்தது.
கீழ் தளத்தில் வசிக்கும் பிரபாகரனின் சகோதரர் குமார் வீட்டில் இரண்டு செல்போன்கள், டில்லி பாபு என்பவரது வீட்டில் இரண்டு செல்போன்கள் மற்றும் ரூபாய் 3,540 தனசேகரன் என்பவர் வீட்டில் ஒரு செல்போன், புஷ்பநாயகன் என்பவர் வீட்டில் ஒரு செல்போனும் ரூ. 3ஆயிரமும் திருடு போனது தெரியவந்தது. பாதிக்கப்பட்ட வீட்டின் உரிமையாளர்கள் அளித்த புகாரின் பேரில், எருக்கஞ்சேரி போலீசார் வழக்குப் பதிவு செய்து; சிசிடிவி கேமரா காட்சிகளின் உதவியோடு குற்றவாளிகளை தேடி வருகின்றனர்.
PKM