பெண் போலீசின் கன்னத்தை செல்லமாய் கிள்ளி முத்தமிட்டதாக எழுந்த புகாரில் போலீஸ் அதிகாரி மீது நடவடிக்கை எடுக்கப் பட்டுள்ளது. சென்னை சூளைமேடு காவல் நிலைய சிறப்பு (க்ரைம்- எஸ்.எஸ்.ஐ.) உதவி ஆய்வாளர் பிரபாசங்கர். அதே காவல் நிலையத்தில் கணினிப் பிரிவில் பணியாற்றும் (Data Entry -Staff) பெண் ஒருவரின் கன்னத்தைக் கிள்ளி, பிரபாசங்கர் முத்தமிட்டதாக, அண்ணா நகர் போலீஸ் துணை கமிஷனரிடம் பாதிக்கப்பட்ட பெண்ணின் தரப்பில் புகார் அளிக்கப்பட்டது. புகாரின் பேரில் குற்றப்பிரிவு சிறப்பு உதவி ஆய்வாளர் பிரபாசங்கரை உடனடியாக காத்திருப்போர் பட்டியலில் வைக்க துணை கமிஷனர் உத்தரவிட்டு நடவடிக்கை எடுத்துள்ளார். தொடர்ந்து இது குறித்த விசாரணை நடக்கிறது…
செல்வா