சென்னை மதுரவாயலில் பிரபல ரவுடி ‘கேங்’ சரவணன் வெட்டி படுகொலை செய்யப்பட்ட விவகாரத்தில் கொலையாளிகளை போலீசார் தீவிரமாக தேடிவருகின்றனர் வலை
மதுரவாயல் அடுத்த வானகரம், கன்னிமாநகர் பகுதியை சேர்ந்தவர் கேங் சரவணன்(32).இவர் மீது பல்வேறு குற்றவழக்குகள் உள்ள நிலையில் வானகரம் பகுதியில் நடந்து சென்று கொண்டிருந்தார். அப்போது, மோட்டார் சைக்கிளில் வந்த மர்ம கும்பல் கேங் சரவணனை வழிமறித்து சரமாரியாக வெட்டியதில் கேங் சரவணன் அங்கேயே மயங்கி விழவே கொலையாளிகள் மோட்டார் சைக்கிளில் தப்பிச் சென்றனர். மதுரவாயல் போலீசார், சம்பவ இடத்திற்கு வந்தபோது ரத்த காயங்களுடன் மயங்கி கிடந்த கேங் சரவணனை கீழ்ப்பாக்கம் அரசு பொது மருத்துவமனைக்கு சிகிச்சைக்காக கொண்டு சென்று சேர்த்தனர். அவரை பரிசோதித்த டாக்டர்கள் கேங் சரவணன் ஏற்கனவே இறந்து விட்டதை தெரிவித்தனர். கொலை செய்யப்பட்ட கேங் சரவணன், மயிலாப்பூரில் சரித்திர பதிவேடு குற்றவாளியாக இருந்து வந்த நிலையில் ஏற்கனவே பிரபல ரவுடியான மயிலாப்பூர் சிவகுமாருக்கு எதிராக செயல்பட்டவர் என்பதும், அதில் ஏற்பட்ட முன்விரோதம் காரணமாக கொலை நடந்ததா அல்லது வேறு காரணம் உள்ளதா என்பது குறித்தும் பல்வேறு கோணங்களில் மதுரவாயல் போலீசார் தனிப்படை அமைத்து விசாரணையை தீவிரப்படுத்தியுள்ளனர்.
மணியா