திருவள்ளூர் பாராளுமன்ற தொகுதி பாஜக வேட்பாளர் பொன். பால கணபதிக்கு, த.மா.காங்கிரஸ் தலைவர் ஜி.கே.வாசன் வாக்கு சேகரித்து வருகிறார்.
திருவள்ளூர் மாவட்ட சிறுவாபுரியில் உள்ள அருள்மிகு ஸ்ரீ பாலசுப்பிரமணிய சுவாமி திருக்கோவிலில், வேட்பாளர் பொன்.பால கணபதியுடன் சென்று சுவாமி தரிசனம் செய்தார்.
“முருகன் பெயருள்ள கோயிலில் கணபதி பெயருள்ள பாஜக வேட்பாளருக்கு வாக்கு சேகரிப்பது விசேஷமான ஒன்று” – என அப்போது நிருபர்களிடம் கூறிய வாசன், சிறுவாபுரி முருகன் கோயில் எதிரேயிருந்த சிற்றுண்டி விடுதிக்குள் நுழைந்து ‘பூரி’ சுட்டுக் கொடுத்து அவர்களிடம் வாக்கு சேகரித்தார்.
தொடர்ந்து பேசும்போது, “பாஜகவில் இணைபவர்களிடம் மட்டுமே பிரதமர் மோடி பேசுவதாக நீங்கள் (மீடியா) சொல்வது வேடிக்கையானது. மேடையில் இருக்கும் எங்களுக்குத் தெரியாதது, மீடியாவுக்கு தெரிகிறதா? தோற்கப் போவது உறுதி என்பதால் இப்படிப்பட்ட அவதூறுகளை பரப்பி வருகிறார்கள்.
தமிழ்மொழி, தமிழ்நாடு, தமிழ், கலாசாரம் போன்றவற்றை பெரிதும் நேசிக்கிறவர் மோடி, செங்கோலை வரலாற்றில் பிரபலப்படுத்தியவர் மோடி, தேவையில்லாததை பேசிப்பேசி வாக்கு வங்கிக்காக மக்களை திமுக, இனியும் ஏமாற்ற முடியாது. மக்கள் யாரும் திமுகவை நம்பத் தயாராக இல்லை” என்றார் வாசன்.
P.K.M.
#bjp #thiruvallur #cmotamilnadu #viral #election #public #ponneri #gkvasan #mkstalin #siruvapuritemple #kovil
