காஞ்சிபுரம் காமாட்சி அம்மனுக்கு வைரம், வைடூரியம் பதித்த 5 கோடி ரூபாய் மதிப்பிலான தங்க கவசத்தை காஞ்சி சங்கராச்சாரியார் ஸ்ரீவிஜயயேந்திர சரஸ்வதி நாளை (14.03.2022) அணிவிக்கிறார். இதுகுறித்து காஞ்சி சங்கர மடத்தின் மேலாளரான ந.சுந்தரேச ஐயர் அளித்த பேட்டி :
ஆந்திர மாநில பக்தர் ஒருவர் காஞ்சிபுரம் காமாட்சி அம்மனுக்கு கிரீடம் முதல் பாதம் வரை வைரம் வைடூரியம் மற்றும் நவரத்தினக் கற்கள் பதித்த ரூபாய் 5 கோடி மதிப்பிலான தங்க கவசத்தை சமர்ப்பித்துள்ளார். காஞ்சிபுரம் சங்கர மடத்திலிருந்து நாளை மாலை (திங்கட்கிழமை) காமாட்சி அம்மன் கோயிலுக்கு ஸ்ரீவிஜயேந்திரர் தலைமையில் எடுத்துச் சென்று அம்மனுக்கு சிறப்பு அபிஷேகம் நடத்தி அவருடைய திருக்கரங்களால் அம்மனுக்கு அணிவிக்கபடவுள்ளது.
இதனையொட்டி கும்பகோணம் தினகரன் சர்மாவினால் ஸீக்த ஜெபம் மற்றும் ஹோமங்கள் இன்று (ஞாயிறு) மாலை தொடங்கி நாளை (திங்கள்) மதியம் வரை நடைபெறும், இதற்கான ஏற்பாடுகளை காமாட்சி அம்மன் கோயில் ஸ்தானீகர்கள் செய்து வருகின்றனர்” இவ்வாறு சுந்தரேசஐயர் தெரிவித்தார்.
– பிரீத்தீ – எஸ்.