துப்பாக்கியை காட்டி மிரட்டி தொழிலதிபரிடம் பணம் பறிக்க முயன்றதாக சென்னை வியாசர்பாடி காங்கிரஸ் பிரமுகர் அஸ்வத்தாமனை போலீசார் கைது செய்து சிறையில் அடைத்துள்ளனர்.
திருவள்ளூர் மாவட்டம் மீஞ்சூர் பகுதியைச் சேர்ந்தவர் ஜெயபிரகாஷ். தொழிலதிபர். இந்நிலையில், அஸ்வத்தாமன் என்ற அரசியல் கட்சி பிரமுகர் துப்பாக்கி முனையில் தன்னை மிரட்டி பணம் கேட்பதாக, மீஞ்சூர் போலீசில் ஜெயபிரகாஷ் புகார் அளித்தார். மீஞ்சூர் போலீசார் நடத்திய விசாரணையில், துப்பாக்கி முனையில் மிரட்டல் விடுத்தது, தமிழ்நாடு இளைஞர் காங்கிரஸ் மாநில முதன்மை பொதுச் செயலாளர் பொறுப்பில் உள்ள சென்னை வியாசர்பாடி அஸ்வதாமன் என தெரியவந்தது. இது தொடர்பாக தனிப்படை அமைத்து, தலைமறைவாக இருந்த அஸ்வதாமனை போலீசார் தேடி வந்தனர். பெங்களூரு டூ சென்னைக்கு காரில் வந்து கொண்டிருந்த அசுவத்தாமனை, பூந்தமல்லி அருகே மடக்கிப் பிடித்து கைது செய்தனர். அசுவத்தாமனிடம் இருந்து ஒரு துப்பாக்கியும் சில குண்டுகளும் போலீசார் பறிமுதல் செய்தனர். முத்தாபுதுப்பேட்டை நிலைய போலீசார், விசாரணை நடத்திய பின்னர், மீஞ்சூர் போலீஸ் ஸ்டேசன் கொண்டுவரப்பட்ட அஸ்வத்தாமன், விசாரணைக்கு பின்னர் பொன்னேரி குற்றவியல் நீதிமன்றத்தில் ஆஜர்படுத்தப்பட்டு சென்னை மத்திய புழல் சிறையில் அடைக்கப்பட்டார். தொழிலதிபரை துப்பாக்கி காட்டி மிரட்டி பணம் பறிக்க முயன்ற வழக்கில் கைது செய்யப்பட்டு சிறையில் அடைக்கப்பட்ட காங்கிரஸ் பிரமுகர் அஸ்வத்தாமன் சென்னை வியாசர்பாடியைச் சேர்ந்த பிரபல ரவுடி நாகேந்திரனின் மகன் ஆவார்.
பிகேஎம்
