சாலை விபத்தில் பள்ளி மாணவன், இளைஞர் என இருவர் உயிரிழந்த சம்பவம் வேலூரில் நடந்துள்ளது.
வேலூர் மாவட்டம், காட்பாடி அடுத்த வெங்கடேசபுரம் பகுதியை சேர்ந்தவர் தனுஷ். 12-ஆம் வகுப்பு மாணவன். காட்பாடி – குடியாத்தம் சாலையில் நேற்று இரவு சாலையை கடக்கும் போது காட்பாடியில் இருந்து குடியாத்தம் நோக்கி சென்ற எல்.ஜி.புதூர் பகுதியை சேர்ந்த கதிரவன் என்பவரின் பைக் மோதியதில் மாணவன் தனுஷ் உயிரிழந்தார்.
பைக்கை ஓட்டி வந்த கதிரவன் (19) வேலூர் அரசு மருத்துவமனையில் சிகிச்சையில் இருந்த நிலையில் இன்று சிகிச்சை பலனின்றி உயிரிழந்துள்ளார். இதுகுறித்து காட்பாடி போலீசார் வழக்கு பதிவு செய்து விசாரித்து வருகின்றனர். மரண அறிக்கை பெறும் பொருட்டு உடற்கூராய்வுக்கு வேலூர் அரசு மருத்துவக்கல்லூரி மருத்துவமனைக்கு இருவர் உடலும் அனுப்பி வைக்கப்பட்டுள்ளது.
வேள்பாரி